Om rot og tiltaksløyse

Eg har funne ut at tiltaksløysa mi er proposjonal med mengda rot som eksisterer i leiligheita. (Nei, det er ikkje basert på matematiske utrekningar, men snarare på observasjonar og sjølvgransking, og  kan såleis ikkje bevisast.)

Dersom eg nettopp har rydda og vaska leiligheita er eg veldig opptatt av å fortsetja å halda det ryddig. Eg ryddar og vaskar opp etter meg med éin gong, og er veldig nøgd med kor fint og ryddig me har det. Men dersom ting skeiar ut og rotet byrjar å ta overhand, fell tiltakslysten min i dass. Resultatet av dette vert at når det verkeleg trengst å bli rydda, så vert ingenting gjort. Og kva skjer då? Vel, det seier seg sjølv.

AltsÃ¥; jo meir rot —> dess meir tiltakslaus

Eller….øh, vent litt…

*klør meg i hovudet*

jo meir tiltakslaus —> dess meir rot?

…

Hm.

Spore Creature Creator

Spore skal etter planen lanserast i september 2008. Eg gler meg! Bak spelet står dei same som har laga the Sims, og det vert spennande å sjå om Spore vert ein like stor suksess. For deg som ikkje har høyrt om Spore eller veit kva det dreier seg om, har eg henta eit lite utdrag frå heimesida www.spore.com:

Spore is your own personal universe. You can create and evolve life, establish tribes, build civilisations, sculpt worlds, and explore the cosmos.  Spore is made up of five games, each corresponding to a stage of evolution: Cell, Creature, Tribe, Civilisation, and Space. Each stage presents different challenges and goals.

Ein startar altsÃ¥ med smÃ¥ eincella organismar som ein utviklar til større og meir komplekse skapningar etter kvart som ein spelar. Ein kan leike med evolusjonen og laga dei snodigaste “kreasjonar”. Som ein forsmak pÃ¥ dette vart det i dag gÃ¥r mogleg Ã¥ lasta ned Spore Creature Creator (trial version). Dette er den same editoren som vert brukt i spelet, men med kun eit lite utvalg av dei moglegheitar ein seinare vil fÃ¥.

Eg har leika meg litt, og resultatet vart Bøggvald og Brakkvald som de ser på bileta under. Dei var ikkje så enkle å få til å posera, men med litt smisking så gjekk det på eit vis:

Bøggvald

Brakkvald

Eksamen 2

Jippi!! I’m done!

I dag har eg hatt min andre og siste eksamen for semesteret, og vil med dette ønskja sommaren 2008 hjarteleg velkommen!! Du har vore etterlengta.

Eg tenkte difor å skrive ei lita liste over kva eg no skal ta meg til:

1. Ut og nyte sola

…..

*dør som slamrar*

Eksamen

I dag har eg hatt eksamen. Det gjekk ganske greit. I alle fall betre enn eg såg for meg for nokre dagar sidan. Om det kunne gått verre enn mine dåværande spådomar er ei anna sak. Neste og siste eksamen er om ei lita veke, og så er sommarferien der. Kanskje det til og med vert vér som er verdt å snakka om i år?

Det er utruleg kor sliten ein vert av å ha eksamen. På eit tidspunkt i løpet av dagane før sjølve eksamensdagen, startar ein tankeprosess som etterkvart går som ei kvern rundt i hovudet. Og med det meiner eg non stop. Om det er pensum-tankar eller det-kjem-til-å-gå-rett-vest-tankar har ikkje så mykje å seia -det er det konstante surret ein vert litt lei. Eg har aldri sove særleg godt natta før eksamen, men sjølv med sand i augene og 3 geisp/minutt, er det utruleg kor vaken ein vert i det ein får utlevert oppgåvene. Frå då av går hjernen på høg-gir.

Kun avbroten av naudsynte toalettbesøk, skriv ein til krampa tek ein, nakken stivnar og blodsukkeret brått fell på golvet. (Eg har med niste, men gløymer å ete ho.) Etterpå kjenner ein ei blanding av ekstrem lette (kjem noko an på korleis det har gått) og ein underleg tomheit. Ei kvile på sofane er fortent/naudsynt etter ein dagar som dette. Problemet er at eg er kjempetrøtt og veldig vaken på ein gong, så den søvnen får eg ha til gode.

Sjølv no når klokka har passert kveld, er hjernen min fortsatt ikkje i nærleiken av dvalemodus. Ganske utruleg eigentleg, så glad som eg er i å sova. Men, det ordnar seg vel.

“Opp og begynn igjen! sa mannen - han falt ut av senga under middagssøvnen.” (dansk ordtak)

Åja, då så.
-God natt-

Du skal ikkje sova bort sumarnatta

Kvifor ikkje? Jo; “Ho er for ljos til det”.

Nettopp.
Kanskje litt for ljos?
Det skulle kanskje vore; “Du greier ikkje Ã¥ sova bort sumarnatta”.
Men dÃ¥ stemmer jo ikkje rytmen…

Eg har nemleg vakna fleire gonger om natta den siste tida, og det er ikkje berre på grunn av eksamensnerver. Du skjønar, me har kvitt soverom med kvite gardiner, og ein skulle tru det var dag sjølv om det er midt på natta no når det går mot sommar. Det er nesten så lyst at eg vert blenda. Dermed er det ikkje så enkelt å få seg ei god natts søvn, som jo er ekstra viktig no før eksamen.

Så no sit eg på lesesalen og geispar, medan eg drøymer om kaffi og tenkjer at mitt neste kjøp må bli ei lystett rullegardin frå Ikea.

Ja, eg skal lesa…

…eg mÃ¥ berre skriva ein liten post først.

Eg kom over ein liten tekst i Studvest skjønar du, skriven av Guro Johansen, og det var som om eg skulle ha skrive det sjølv (innhaldsmessig altså). Eg er ekspert på å tenkja på denne måten, og det er litt godt å veta at eg ikkje er åleine.

Viss du vil lesa, finn du han her: Symptomer